Субуотаҕа Тюмень куоракка студеннар аан дойду чемпионаттарыгар кыттааччылары быһаарар киирсии буолла. Чемпионат балаҕан ыйын 5-11 күннэригэр Дьокуускайга ыытыллыаҕа.

Специалистар этэллэринэн, быйылгы хамаанда эдэр. "Биһиги аан дойдутааҕы чемпионакка күүскэ бэлэмнэннибит. Дьокуускайга дьону сөхтөрөр соруктаахпыт», - диэтэ студеннар Россиятааҕы сүүмэрдэммит хамаандаларын ыстаарсай тренерэ  Роман Подопригора.

Россия сүүмэрдэммит хамаандатын састааба маннык: Василий Егоров (49 кг диэри, Саха сирэ, Эмир-Асан Небиев (52, Крым), Дарман Кутубеков (56, Саха сирэ), Григорий Николайчук (60 кг, Тюмень уобалаһа), Руслан Урих (64 кг, Ростов уобалаһа), Руслан Юлдашев (69 кг), Сухроб Сидиков (75 кг, иккиэн — Самара уобалаһа), Имам Хатаев (81 кг, Чечня), Антон Зайцев (91кг, Татарстан) уонна Никита Стогов (+91, Москва).