СИА корреспондена олохтоох дьон санаатын билистэ. «Кинилэр кэлэллэригэр биир тэҥник сыһыаннаһабын. Кэллинэр ээ», - диэтэ «Эллэй» маҕаһыыҥҥа сылдьар атыылаһааччы.

«Мин аймахтарым Донецкай куоракка олороллор. Украинецтар эйэлээх, айдааны, араллааны тарда сылдьыбат омуктар. Олохтоох дьоҥҥо ытыктабыллаахтык сыһыаннаһыахтара диэн эрэнэбин. Бэйэ-бэйэбитигэр көмөлөһүөхтээхпит», - диэтэ орто саастаах тырахтарыыс.

«Миэхэ син биир», - диэтэ пааспар остуолугар уочаракка олорор эдэр кыыс.

 Хатастааҕы спец.оскуола дьиэтигэр куотан кэлбит дьону олохсутуохтара. Манна дьон олороругар табыгастаах гына барытын бэлэмнээбиттэр. Наадалаах барыта баар. Кэлээт да кинилэр медосмотру ааһыахтара.

Спец.оскуола дириэктэрэ Роберт Никифоров эппитинэн, куотан кэлбит дьон манна быстах кэмҥэ олоруохтара. Үөрэх министиэристибэтэ кэлбит дьон оҕолоро ханна үөрэнэллэрин быһаарбыт. Үлэҕэ, социальнай сайдыыга министиэристибэттэн иһитиннэрбиттэринэн, дьарыктаах буолуу киинэ кинилэргэ үлэ миэстэтин туһунан этиилэри киллэриэҕэ. Барыллаан ааҕыынан 182 киһи кэлиэтхээх.