«Эйиигин Путин хамаандатын киһитэ дииллэр. Итиниэхэ эн туох диэҥ этэй?» - диэн биэриини ыытааччы ыйытыгар Егор Борисов : "Миигин Россия президенэ өйүүрүн билэбин. Кэпсэтии мин туспутунан буолбакка, өрөспүүбүлүкэ бүтүннүүтүн туһунан барар», - диэтэ.

Саха сирин баһылыгын эбээһинэһин быстах кэмҥэ толорооччу Егор Борисов эппитинэн, «АЛРОСА» АК-ны, Өлүөнэ өрүс холбоһуктаах пароходствотын (ЛОРП) приватизациялыыр уустук кэмҥэ РФ президенин быһаччы өйөбүлүнэн өрөспүүбүлүкэ интэриэһин турууласпыттар уонна ситиспиттэр.

"Владимир Путин өйбүлүнэн Чайандатааҕы баайдаах сири туһаҕа таһаарыы тэтимирдэ. Онтон тирэҕирэн аан дойдуга ханна да суох баараҕай тутуу - «Сибиир күүһэ» газопроводы тутуу саҕаламмытын холобур быһыытынан аҕалыахпын сөп. Россия президенин, Россияны күһэйэр уустук кэмҥэ өрөспүүбүлүкэ дьоно түмсэллэригэр, сомоҕолоһоллоругар сүбэлиэх этим. Онон, биһиги бары Владимир Путины өйүүрбүтүн биллэриэхпит", - диэтэ Егор Афанасьевич.