«Саха сирэ түргэн тэтиминэн сайдарыгар Россия бырабыыталыстыбата интэриэстээх. Ордук, баараҕай бырайыактары олоххо киллэриигэ. Биһиги бырайыактарбытын барыларын кини өйүүр», - диэтэ Егор Борисов.

Металлургическай кэмбинээт тутуллуоҕа

Егор Борисов үс чопчу ыйытыгы туруорбут. Бастакыта, металлургическай кэмбинээти тутуу. Тимир рудалаах сир баайын хостооһунунан сүрүннээн Evraz-Холдинг дьарыктанар этэ. Ол эрээри, компания үс сыллааҕыта металлургическай кэмбинээти тутартан аккаастаммыт. Егор Афанасьевич металлургическай кэмбинээт булгуччу тутуллуохтааҕын президеҥҥэ сытыытык туруорда.

Уһук Илин сирдэрин уонна инники күөҥҥэ тутуллар инвестиционнай бырайыактары государство өттүттэн өйөөһүҥҥэ анаммыт мунньахха Владимир Путин Evraz холдинг дириэктэрдэрин сэбиэтин бэрэссэдээтэлигэр  Александр Абрамовка Саха сиригэр металлургическэй кэмбинээти тутууттан аккаастамматыгар сорудахтаата.

Өлүөнэни туоруур муоста булгуччу тутуллуохтаах!

Владимир Путин уонна Егор Борисов Өлүөнэ өрүһү туоруур муостаны тутууну ырыттылар.

«Биһиги Саха сиригэр логистическэй киини үөскэтэри эрэ буолбакка, кытайдары кытта Саха сиринэн тырааныспар көрүдүөрэ оҥоһулларын туруулаһабыт. Саха сирин соҕуруу өттүттэн Дьокуускайга диэри, онтон Хотугу муора суолунан таһаҕас харыыта, хаайтарыыта суох тиэйиллиэхтээх.Оччотугар бу тырааныспар көрүдүөрүнэн кытайдар Европаҕа быһа тахсар кыахтаналлар. Мин ити туһунан дойду президенигэр эттим. Ону РФ-ҕа экономическай сайдыы министиэристибэ үөрэтэригэр сорудахтаата», - диэтэ Егор Афанасьевич.

Үһүс боппуруоһунан саха сиригэр спорду сайыннарыы буолла.

Ити курдук, Владимир Путин уонна Егор Борисов кэпсэтиилэрэ Саха сирин инникитин сүҥкэҥник сайдарыгар сүрүн олугу ууруоҕа.