Бу сэдэх экспонаты музей салайааччытыгар Николай Поповка туттарарыгар коллекционер маннык диэтэ: "Бу экспонаты элбэх киһи көрөрүн туһугар музейга бэлэхтиибин. Ханна да суох, сэдэх самовары дьон сөбүлүө дии саныыбын. Былыргы өбүгэлэрбит маннык малынан-салынан туттубуттарын дьон музейга көрүөҕэ-истиэҕэ".

Чугас дьоно этэллэринэн, Иосиф Васильевич Парфенов киэҥ дууһалаах киһи. Бэйэтин кэмигэр массыына оҥорууга Японияҕа үөрэммит. Манна үөрэнэр кэмигэр Япония музейдарыгар сылдьан, бу дойду олохтоохторо урукку историяларыгар олус харыстабыллаах сыһыаннарын сөхпүтэ-махтайбыта. Кинини Японияҕа оҥоһуллубут массыыналарга бастыҥ мэхээник быһыытынан дьон билэр.