Ол курдук, 2013 сыл саҕаланытыгар структурнай тэрилтэлэргэ тулаайах уонна төрөппүт көрүүтэ суох хаалбыт оҕолорго дьиэни биэриигэ 91 докумуон баара, оттон 2013 сылга — 5 киирдэ.

«2013 сыл 10 ыйын устатыгар 93 докумуон түмүктэннэ уонна тохтотулунна, көрүллэр докумуон 87%-гар тэҥнэһэр. Билигин Дьокуускай куорат уокуруктааҕы администрациятын толоруутугар 3 докумуон хаалла», - диэтэ СР СБСФУ толоруу докумуоннарын тэрийии салаатын начальнига Лена Новгородова.

Кини бэлиэтээбитинэн, ити үтүө хамсааһын соторутааҕыта Дьокуускай уокуруктааҕы администрацията дьиэни ылыыга субсидиялары түҥэтиини саҕалаабытыттан буолар. Итини таһынан, кэнники икки сылга республика правительствотын өттүттэн дьоһуннаах үбүлээһин бэлиэтэнэр. Өскөтүн 2006-2010 сылларга ити сыалга 290 мөл солк., ыытыллыбыт буоллаҕына, 2012 сылга номнуо 1 млрд солкуобайтан ордук кэлбит. Итини таһынан оройуоннарга муниципальнай тэриллии баһылыктара тулаайах уонна төрөппүттэрэ суох хаалбыт оҕолор туһаларыгар суут быһаарыытын толорон дьиэ тутуутун саҕалаатылар.

2013 сыллаахха Дьокуускайга тулаайах оҕолорго анаан үс элбэх квартиралаах дьиэ үлэҕэ киирдэ.

СР СБСФУ-гар ураты хонтуруолга гражданнарга, ол иһигэр тулаайах оҕолорго дьиэни биэрии боппуруостара тураллар.