Үлэ ырыынагын кыһалҕаларынан дьарыктанар олохтоох уонна атын регионнартан кэлбит идэтийбит специалистар этэллэринэн, миграция сүүрүгүн ханнык эмэ көдьүүстээхтик бэрээдэктиир туһунан этэр эрдэ. РФ Госкомстатын Новосибирскайдааҕы салаатын баһылыга Александр Кисельников эппитинэн, «докумуоннарынан биһиэхэ барыта үчүгэй, оттон дьиҥнээҕэ — олох төттөрү».

Кырдьык даҕаны, баччааҥҥа диэри дойдуга миграннар идэҕэ таһымнарын быһаарар биир да тэрилтэ суох. Дьиҥинэн эттэххэ, хас биирдии үлэһит идэлээх киһи быһаччы разрядтаах, кылаастаах, ирдэбиллээх уо.д.а.. Үрдүк кылаастаах идэлэри этэ барыллыбат.

РФ Үлэҕэ министерствотыгар специалист паспора диэн ааттанар докумуона оҥоһулла сылдьар, ити сотору кэминэн хас биирдии миграҥҥа баар буолуохтаах үһү.

Конференцияҕа миграннар тула эрэ кэпсэтии буолбата, регион таһымыгар социальнай-экономическэй сайдыы тупсарын туһугар нэһилиэнньэ уонна үлэ баайын хайдах тарҕатар туһунан дьүүллэстилэр.

Ити боппуруос араас өрүттээх, былаас органнарын бары эйгэтин таарыйар. Онон бэлэм эппиэт билигин суох. Конференция кыттыылаахтарын уопсай санааларынан, итини дойду араас регионнарын уопутун ырытыы уонна билиһиннэрии түмүгэр эрэ оҥоруохха сөп.