Итинник чахчылары олунньу 4 күнүгэр республика территориятыгар бөрө ахсаанын салайыы боппуруостарыгар ыытыллыбыт мунньахха Саха сирин булдун хаһаайыстыбатын  Департамена тыа хаһаайыстыбатын уонна аска-үөлгэ политикатын Министерствотын эппиэттээх үлэһиттэрин уонна атын да сыһыаннаах тэрилтэлэрин кытта дьүүллэстилэр.

2013/2014 сылларга өрүттэр ведомстволар икки ардыларынааҕы бөрөлөр ахсааннарын бэрээдэктээһиҥҥэ ыытар тэрээһиннэрин былаанын толоруу туһунан сонуннары үллэһиннилэр.  Саха сирин ветеринариятын Департамена ыыппыт  мониторинын түмүгүнэн, табалары уонна сылгылары бөрө тардыыта биллэ аҕыйаабыт.  

Тыа хаһаайыстыбатын Министерствота үстэ итэҕэһэ суох таба ыстаадалаах хаһаайыстыбаларга табаларын бөрөлөртөн харыстыырга  ыыппыт ночоотторун субсидиялыаҕа. Тириини тутууну уонна онно харчыны төлөөһүнү булт хаһаайыстыбатын Департамена салайыаҕа.

Мунньах кыттыылаахтара бөрөлөрү утары охсуһууга салгыы дьайыыларын бииргэ, соруктары түҥэтэн  ыытарга сөбүлэстилэр. Итини таһынан сотору кэминэн бөрө ахсаанын салайыы эйгэтигэр СР Президенин бириэмийэтин 2013 сыллааҕы конкурсун түмүгүн таһаарарга быһаардылар, диэн республика булдун хаһаайыстыбатын Департамена иһитиннэрэр.