Видебург Юлиане (Мартин Лютер Галле-Виттенберг аат. университет), Гертнер Антье(Грейфсвальд университета), Штулер Софи (Фридрих Шиллер аатынан Йенскэй университет), Свендсен Сиф Бурлин (Копенгагена университета) климат уларыйыытыгар анаммыт лекциялары иһиттилэр. Климат уларыйыытын кэмигэр ирбэт тоҥ хайдах уларыйарын бу лекциялартан биирдэстэригэр ырыттылар.

ХИФУ арктическай инновационнай киинигэр Саха сирин географиятын, үүнээйилэрин, мамонт, о.д.а. тустарынан кэпсээтилэр.

Омук дойдуларыттан кэлбит студеннар элбэх экскурсияларга, ол курдук, «Орто Дойду» зоопаркатыгар, ирбэт тоҥ саарыстыбатыгар, Өлүөнэ очуостарыгар о.д.а Саха сирин бэлиэ сирдэригэр ыалдьыттаатылар.