Бу суруйааччы, сырдатааччы Ойуунускай духуобунай нэһилиэстибэтин киэҥ эйгэҕэ таһаарыыга анаммыт ааҕыыларга Саха сирин кадеттарын оскуола-интерната икки үөрэнээччини ыытта. 11 "а" кылаас кадета, старшина Анатолий Попов "П. А. Ойуунускай — нуучча уонна аан дойду литературатын тылбаастааччы" диэн немец тылынан дакылаат оҥордо. Кини дакылаатыттан ааҕыы кыттыылаахтара Ойуунускай немец философиятын үөрэппитин уонна Гете "Фауст" айымньытын сахалыы тылбаастаабытын биллилэр.

Анатолий Попов итини таһынан Грэтхен "Аһыйыы аһыыта" ырыатын сахалыы уонна немецтии тылбаастаабытын ааҕан иһитиннэрдэ.

8-с "б" кылаас кадета Данил Николаев немец тылынан П. Ойуунускайы суруйааччы уонна саха тылын литературатын төрүттээччи быһыытынан көрдөрдө. Кини биһирэбил бирииһинэн наҕараадаланна. Кадеттар иккиэн олус ситиһиилээхтик тыл эттилэр. Уолаттарга сертификаттары туттардылар. Оскуола немец тылын учуутала Любовь Колосова кадеттар инникитин да маннык ааҕыыларга, конкурстарга кыттыахтара уонна ситиһиилэниэхтэрэ диэн эрэллээх.