“Саха Өрөспүүбүлүкэтигэр эппиэкэ уонна попечительство үлэтин тэрийэн ыытыы туһунан уонна эппиэкэ уонна попечительство үлэтин тэрийэн ыытыыга муниципальнай оройуоннар уонна куорат уокуруктарын олохтоох салайыныыларын уорганнарыгар судаарыстыбаннай боломуочуйалары сүктэрии туһунан” СӨ сокуонун 9 ыстатыйатыгар уларытыылары киллэрии туһунан” республика сокуонун барылын туһунан дакылааты үөрэх министрин солбуйааччы Эдуард Кондратьев оҥордо. Оттон “Оҕо доруобуйатыгар, эт-хаан өттүнэн, интеллектуальнай, психическэй, духуобунай уонна сиэр-туом өттүнэн сайдыытыгар хоромньуну оҥорууну сэрэтэр миэрэлэр тустарынан” Правительство көҕүлээн киллэрбит өрөспүүбүлүкэ сокуонун барылын туһунан СӨ Юстицияҕа госкомитетын кылаабынай специалиһа Софрон Афанасьев иһитиннэрдэ.

Мунньахха ити боппуруостары дьүүллэһиигэ кэмитиэт чилиэннэрин таһынан үөрэх министрин солбуйааччы Эдуард Кондратьев, РФ Юстицияҕа министерствотын Саха Өрөспүүбүлүкэтигэр управлениетын сокуоннары оҥоруу боппуруоһугар отделын начальнига Алексей Корнилов, СӨ Президенин уонна Правительствотын дьаһалтатын государственнай-правовой боппуруостарга департаменын салайааччытын эбээһинэһин толорооччу Юрий Пономарев, СӨ Юстицияҕа госкомитетын бэрэссэдээтэлэ Сардаана Гурьева, СӨ Прокурорун старшай көмөлөһөөччүтэ Егор Неустроев кытыннылар.

 “Саха Өрөспүүбүлүкэтигэр эппиэкэ уонна попечительство үлэтин тэрийэн ыытыы туһунан уонна эппиэкэ уонна попечительство үлэтин тэрийэн ыытыыга муниципальнай оройуоннар уонна куорат уокуруктар олохтоох салайыныыларын уорганнарыгар судаарыстыбаннай боломуочуйалары сүктэрии туһунан” СӨ сокуонун 9 ыстатыйатыгар уларытыылары киллэрии туһунан” өрөспүүбүлүкэ сокуонун барылын 1 ыстатыйатын 2-с пуунугар өссө икки пууну эбэн биэрии дьүүлгэ турда. Ити эбиилэри киллэриилэр олорор дьиэнэн хааччыллыахтаах төгүрүк тулаайах уонна төрөппүт көрүүтэ-истиитэ суох хаалбыт оҕолор испииһэктэрин (реестрдэрин) оҥорууга сыһыаннаах. Маны кэмитиэт Ил Түмэн иккис ааҕыыга ылынарыгар ыытарга быһаарда.

 “Оҕо доруобуйатыгар, эт-хаан өттүнэн, интеллектуальнай, психическэй, духуобунай уонна сиэр-туом өттүнэн сайдыытыгар хоромньуну оҥорууну сэрэтэр миэрэлэр тустарынан” СӨ Правительствота көҕүлээн киллэрбит сокуонун барылын 1 ыстатыйатыгар депутаттар көннөрүү киллэрэр икки этии саҥа редакциятын бигэргэттилэр, диэн Ил Түмэн пресс-сулууспата иһитиннэрэр.