Концерка Игорь Егоров, Лэгэнтэй, Максим Маар, Анна Шоу, Саша Лукин, «Завод» үҥкүү коллектива, Нарыйаана Куо уонна да атын саха эстрадатын чаҕылхай сулустара кыттыахтара.

2013 сыл атырдьах ыйыгар Ньурба куоратыгар 8 кварталаах олорор дьиэ олоччу умайбыта. Баһаар түмүгэр тоҕус ыал дьиэлэрэ да, маллара-үптэрэ суох хаалбыттара.

Хомойуох иһин, иэдээн соҕотох сылдьыбат. Ити ыйга Дьаархан нэһилиэгэр Мандаровтар дьиэлэрэ эмиэ уокка былдьаммыта. Ыал ийэтэ Айталина Семеновна түөрт кыра оҕотунаан кыл-мүччү тыыннаах хаалбыттара.

Сыл бүтүүтүгэр Ньурбаҕа эмиэ баһаар буолбута. Сэтинньи 20 күнүгэр элбэх оҕолоох Фёдоровтар дьиэлэрэ күл-көмөр буолбута. Кинилэр үс оҕолоохтор – биир студент уонна икки оскуола үөрэнээччилэрэ.

Билиҥҥи кэмҥэ умайбыт дьон аймахтарыгар олорорго күһэлиннилэр. Сорохтор буолбуттан сатаан өрүттүбэккэ сылдьаллар. Дьоҥҥо көмө, өйөбүл наада.

Концерт ахсынньы 3 күнүгэр 19.00 чаастан П.А.Ойуунускай аатынан Саха академическай театрыгар буолар. Билиэт сыаната 300 солкуобай.

Билиэттэри общественнай тарҕатааччылартан ылыахха сөп эбэтэр +79244699027 телефонунан Леонидтан ыйытыҥ.