Билигин делегация састаабыгар ким киирэрин быһаара сылдьаллар. 

Съезд кэмигэр ыччат интэриэһигэр туһаайыллыбыт боппуруостары, кыһалҕалары дьүүллэһиэхтэрэ. Дьүүллэһии түмүгэр олоҕуран государственнай былаас, олохтоох салайыныы уорганнарыгар, гражданскай уопсастыба институттарыгар туһаайан этиилэри оҥоруохтара.

Съездкэ «Үлэ булуу, ыччат бэйэтин кыаҕын арыйыыта», «Арктика ыччата», «Көлүөнэлэр сиэр-майгы, духуобунай сирдьиттэрэ», «Идэтийии уонна күрэстэһэр кыах», «Эдэр дьиэ кэргэн – чөл уопсастыба төрдө», «Патриотизм, история, көлүөнэлэр солбуһуулара», «Доруобай ыччат — бигэ сайдыы» диэн хайысхаларга арааран ыччаттар ырытыахтара, дьүүллэһиэхтэрэ.

Араас ис хоһоонноох быыстапкалар үлэлиэхтэрэ. Съезд түмүгүнэн 2022 сылга диэри ыччат политикатын сайдыытын инникитэ, стартегията ылыллыаҕа.