Тэрийээччилэр педагогтар, төрөппүттэр (сокуоннай бэрэстэбиитэллэр), общественность үөрэнээччилэргэ Россия Арктическай зонатын 2020 с. диэри сайдыытын стратегиятыгар сөп түбэһиннэрэн, Арктика норуоттарын историятын, ураты культуратын, олоҕун-дьаһаҕын, үгэстэрин үөрэтиигэ бары күүһү холбуур сыаллаахтар.

Итини таһынан, маннык тэрээһиннэр өй үлэтин араас эйгэтигэр үлэлиир талааннаах педагогтары уонна дьоҕурдаах оҕолору буларга уонна өйүүргэ көмөлөһөллөр.

Форум үлэтигэр Үөһээ Бүлүү, Дьокуускай куорат үөрэҕин үлэһиттэрэ, “Сосновый бор” оҕо сынньанар уонна доруобуйаларын көннөнөр Киинин, ИРО уонна ПК ДПО үлэһиттэрэ кытталлар.

“Сосновый бор” Киин специалистара “Аартык” үөрэтэр ситими, “Аан дойдутааҕы арктическай оскуола” бырайыагы билиһиннэриэхтэрэ уонна республика оҕолорун сайыҥҥы сынньалаҥнарын уонна туруктарын чэбдигирдиилэрин туһунан кэпсиэхтэрэ. Үөрэҕи сайыннарыы института квалификацияны үрдэтии курстарын ыытыаҕа.