Балыктааһыҥҥа икки улууска ааһан иһэр сыл түмүгүнэн көрдөрүү намтаабыта бэлиэтэннэ. Аллайыахаҕа былаан 44 %-на, Аллараа Халымаҕа - 80 %-тан тахса туолбут. Былаан туолбатаҕа күн-дьыл туругуттан тутулуктаах: Индигир уонна Халыма өрүстэр уулара түһүүтүттэн балык тахсара мөлтөх, күндүөбэй бу өрүстэргэ олох да киирбэтэҕин тэҥэ.

Итини таһынан, баһылыктар «Арктика балыга» кооператив балыксыттарыгар хамнаһы төлүүргэ кыһалҕалар үөскээбиттэрин эттилэр. Миниистири солбуйааччы Иван Павлов кооператив туттарыллыбыт уонна оҥоһуллубут балыгы батарыы политикатын күүһүрдүүгэ бары миэрэлэр ылыллалларын быһаарда. Саҥа балык собуотун тутуу туһунан кэпсэтии ыытыллар, уопсайынан, «Арктика балыга» кооператив балыксыттар иннилэригэр соруктарын толорорго көхтөөхтүк үлэлэһэр.

Муниципальнай тэриллиилэр баһылыктара тыа хаһаайыстыбатын министерствотын кытта ыкса бииргэ үлэлэһэр уонна алтыһар санаалаахтарын эттилэр.