СИА-ҕа тустаах министиэристибэттэн эппиттэринэн, тыа хаһаайыстыбатынан дьарыктанар улуустар бары кэриэтэ окко былааннарын толорбуттар. Мэҥэ-Хаҥалас улууһа өрөспүүбүлүкэҕэ саамай элбэх оту оттоото. Кинилэр көрдөрүүлэрэ - 41293 тонна. Былааны 100,3% толордулар. Чурапчылар – 40121 тонна (102,2%), хаҥаластар – 38935 (105,3%), сунтаардар – 36667 (100,2%), ньурбалар – 34346 (101,6%), таатталар – 33145 (100,6%) уонна аммалар 31270 тоннаны (101,6%) оттоотулар

Томпо улууһа 8067 тонна оттоох. Кинилэр былааннарын 120,5% толордулар.

Үөһээ-Бүлүүлэр, намнар, уус-алданнар, бүлүүлэр, кэбээйилэр, горнайдар, өлүөхүмэлэр уонна Дьокуускай куорат былааннарын толорбокко иһэллэр.

Былаан туоллаҕына эрэ сүөһү, сылгы 100% кыстыгы туоруур кыахтаах.