Хоту бөлөх улуустарга Абый, Муома, Аллараа-Халыма, Орто-Халыма, Томпо, Уус-Маайа ылыммыт былааннарын толордулар. Бүлүү бөлөххө киирсэр Бүлүү, Ньурба, Сунтаар улуустара соруктарын, былааннарын ситистилэр. Саха сирин соҕуруу бөлөҕөр киирсэр - Ленскэйгэ, Өлүөхүмэҕэ эмиэ былааны толордулар. Киин улуустарга — Аммаҕа, Мэҥэ-Хаҥаласка, Тааттаҕа, Уус-Алдаҥҥа, Хаҥаласка, Чурапчыга уонна Жатай бөһүөлэгэр эмиэ былаан ситиһиллибитэ бэлиэтэнэр.

Муниципальнай оройуоннар ортолоругар сүөһү аһылыгын бэлэмнээһиҥҥэ өрөспүүбүлүкэтээҕи куонкурус түмүгэ биллиэҕэ. Бу куонкуруһу тыа хаһаайыстыбатын уонна ас-үөл политикатын министиэристибэтэ тэрийэр. Кыайыылаахтар сыаналаах бириистэринэн наҕараадаланыахтара.

Бастакы миэстэни ылбыт муниципальнай тэриллиигэ уонна куорат уокуругар бырысыаптаах МТЗ-82 тыраахтары бириис быһыытынан туттарыахтара. Иккис миэстэҕэ - охсордоох уонна кыраабыллаах DF-304 тыраахтар, оттон үһүс миэстэҕэ — охсордоох уонна кыраабыллаах Синтай-220 дьоҕус тыраахтар.

Нэһилиэктэр ортолоругар кыайбыкка — охсордоох уонна кыраабыллаах DF-304 тыраахтар, иккис мисэтэ иһин охсордоох уонна кыраабыллаах Синтай-220 дьоҕус тыраахтар, оттон үһүс миэстэни ылбыттарга кыраабыллаах Синтай-220 тыраахтары туттарыахтара.