Саха сирин таһыгар эмиэ кэккэ ыччат тэрилтэлэрэ бааллар: "АйТал" ыччат общественнайхамсааһына; Санкт-Петербургдааҕы сахалар "Сайдыы” Ассоциациялара; Екатеринбурга сахалар биир дойдулаахтарын «Түмсүү» тэрилтэтэ; «Аартык» студеннар уонна аспираннар Ассоциациялара Красноярскай к.; "Айтал" саха студеннарын тэрилтэрэ, Иркутскай к.; «Хардыы» Хабаровскай кыраайдааҕы Саха сирин ыччатын общественнай тэрилтэтин Сойууһа; Томскай-Саха биир дойдулаахтар түмсүүлэрэ; Үрдүк үөрэх тэрилтэлэрин студеннарын түмсүүлэрэ, Новосибирскай к.; Владивостокка саазалар биир дойдулаахтар түмсүүлэрэ. Итини таһынан, саха ыччатын Сойууһа Кытай Харбин куоратыгар баар.

Республикаҕа ыччат общественнай хамсааһынан сайдыытын кыһалҕалара тэрилэлэргэ эдэр дьон киирбэттэриттэн, программнай-методическэй уонна үп-техническэй өттүнэн хааччыйыы мөлтөҕүттэн; нэһилиэктэр, бөһүөлэктэр, микрооройуоннар таһымнарыгар ыччаты кытта үлэлиир специалистар суохтарыттан; ыччат общественнай түмсүүлэрин салайааччыларын уонна лидердарын бэлэмнээһин таһыма тиийбэтиттэн тутулуктаах.

Ол үрдүнэн, биһиги республикатыгар сүнньүнэн ыччат общественнай хамсааһына сайдар. Ыччат тэрилтэлэрэ оҕо уонна ыччат спордун сайдыытын программаларыгар, буруйу оҥорууну сэрэтиигэ, эдэр талааннапы өйөөһүҥҥэ, национальнай-культурнай сайдыыга, ыччаты патриотическай иитиигэ уонна да атыҥҥа кытталлар.

Ыччат общественнай тэрилтэлэрин лидердэрэ бэлиэтииллэринэн, государственнай ыччат политикатыгар үтүө уларыйыылар буоллулар.

Саха сирин ыччакка дьыалаларыгар уонна дьиэкэргэн политикатыгар Министерствотын специалистара араас общественнай тэрилтэлэригэр көмөлөһүөхтэрэ, граны суруйарга үөрэтиэхтэрэ.