Tjournal саайтыгар сурулларынан, Россия Интернетигэр бөдөҥ федеральнай көрдөрөр-иһитиннэрэр ситимнэртэн, телеканаллартан уонна интернет-таһаарыылартан сонуну, иһитиннэриини ылыынан муҥурданыы баар. Ол эрээри дойдуга улахана суох эрээри интэриэһинэй ресурсалар элбэхтэр.

Итинник дьоҕус эрээри интэриэһинэй, дьон болҕомтотун тардар ресурсалар ахсааннарыгар «Бизнес-Online» интернет-хаһыат (Татарстан),   Znak.com таһаарыы (Екатеринбург), РИА PrimaMedia (Владивосток), «Новый Калиниград» таһаарыы (Калининрад), «Юга.ру» (Краснодар), «СибИнфо» (Барнаул), «Волга Ньюс» (Самара), Саха информационнай агентство (Дьокуускай), 161.ru саайт (Ростов-на-Дону), «Тайга.Инфо» (Новосибирскай) киирдилэр.

Tjournal эрэдээксийэтэ бэлиэтииринэн, СИА күннэтэ регион олоҕун сырдатар элбэх иһитиннэриини бэчээттиир. «СИА бэйэтэ корреспонденнардаах, анал фото-сулууспалаах, үс тылынан: нууччалыы, сахалыы, английскайдыы тахсар. Регион хотугу уратыта браузерга тиэрдиллэр», - диэн  Tjournal суруйар.

Маныаха кэлиҥҥи кэмҥэ «Медиалогия» компания оҥорор рейтинигэр СИА бигэтик инники күөҥҥэ сылдьарын эбэн этиэххэ сөп.