Иһэрдьэ киэҥ-куоҥ саала кытыытынан кэриччи ас-үөл арааһын - кондитерскай оҥоһуктары, үрүҥ астары, эттэн полуфабрикаттары, о. д. а. кэккэлэппиттэр. Сибэкки сиэмэлэрин, рассададаларын, таҥас арааһын атыылааччылар бааллар. Быйылгы дьаарбаҥкаҕа киһи кэрэхсиирэ урукку өттүгэр туруоруллубатах саҥа технология оҥоһуктарынатыыга таһаарбыттара буолла. Холобур, П.П. Толстоухов сахалыы мебели олоппоһуттан саҕалаан стенкэтигэр тиийэ оҥорор эбит. Барыта сахалыы колориттаах, орнаменнаах. Н.И. Макаров тимиринэн сиэдэрэй көстүүлээх олбуордары, олбуор ааннарын, ыскамыайкалары, кирлиэстэри оҥорорун, олору стендэҕэ хаартыскаларынан көрдөрүүгэ туруорбутун элбэх киһи сэҥээрдэ. Биир сонун көстүүнэн А.Д. Васильевпластмассаттан оҥортообут тыыта, уу емкоһа, салааскалара буоллулар. Хайдах оҥорорун үгүс киһи ыйыталаста. В.С. Попов уһааран оҥорбут саха быһахтарын, батыйаларын эр дьон тутан-хабан көрдүлэр, сакаастааччы, атыылаһааччы да баар буолла. Кини булка, уһанарга, бэлэхтииргэ анна тус-туһунан оҥорор эбит. Чаачыгый „Сандалы“ кафетын, Болтоҥоттон З.В. Федорова салайааччылаах кафе астаабыт астара атыыга хамаҕатык бардылар.

Дьаарбаҥканы тэрийээччилэри, предпринимателлэри, көрө-истэ, атыылаһа кэлбиттэри улуус баһылыга А.Т. Ноговицын, улуус сэбиэтин председателэ Я.П. Оконешников, предпринимательствоҕа уонна туризмы сайыннарыыгаминиистири солбуйааччы А.Н. Андросов эҕэрдэлээтилэр, олус наадалаах үлэлэригэр ситиһиини баҕардылар.