Тастан киирбит үлэһит дьон сүрүннээн Дьокуускайга, Мирнэйгэ, Алдаҥҥа, Нерюнгрига үлэлии хаалар. Ханна харчы хамсыыр сирин эрдэттэн билэ сылдьан, онно тардыһаллар.

Учуокка хабыллыбыт миграннар 70%-ра «уһун солкуобайы» эккирэтиһэн кэлэннэр, УФМС үс ый иһигэр 796 патены биэрбит. 2015 сылга үлэлии кэлэр миграннарга квота ахсаана 593-тэн 854 диэри элбээн турар. Сураҕа, үлэһит илии тиийбэтиттэн, Таджикистан, Узбекистан, Кытай. Сербия уонна Корея дойдуларыттан арматурщиктар, бетонщиктар, каменщиктар, машинистар, монтажниктар кэлиэхтээхтэр үһү.

Дьиҥэр, бэйэбит да дьоммут үлэлиэхтэрин сөп эрээри, сэдэх идэлэргэ биһиги оҕолорбут соччо үөрэниэхтэрин баҕарбаттарынан уонна улахан техникаҕа үлэлиэхтэрин ыарырҕаталларынан сибээстээн, сорох промышленнай хампаанньалар анаан-минээн омук сириттэн үлэһиттэри аҕалар түгэннэрэ элбэх. Онон «чэпчэки сыаналаах» үлэһит илиититтэн бөдөҥ хампаанньалар да, биирдиилээн предпринимателлэр даҕаны аккаастамматтара чуолкай.