Галина Данчикова Кыайыы күнүн саҕана Мария Ивановаҕа ыалдьыттаабыта уонна кини төрөөбүт күнүгэр кэлиэх буолан эрэннэрбитэ.

Мария Иванова ураты дьылҕаламмыта. Кэргэн тахсыбыта 4 эрэ ый буолбутун кэнниттэн сэрии эдэр дьону араартаабыта. Кэргэнэ Егор Мордосов сэриигэ барбытын кэннэ Мария леспромхозка үлэлии барбыта.

1943 сыллаахха кэргэнэ Лениград куорат көмүскэлигэр өлбүтүн туһунан суругу туппута.

Кэргэнэ өлбүтүн да кэннэ эдэр огдообо хайаан да дьиэ кэргэннээх буоларга кытаанахтык санаммыта уонна икки кыыс оҕону иитэ ылбыта. Мария Иванова икки кыыс тапталлаах ийэтэ, элбэх сиэн, хос сиэн эйэҕэс эбээтэ, хос эбээтэ.

Мария Михайловна, төһө да сааһырдар олус үөрүнньэҥ, чэгиэн. Таптыыр оһуохайын куруук өрө тутар. Бырааһынньыктааҕы остуолугар туойда, ыалдьыттарыгар кытаанах доруобуйаны, дьолу-соргуну баҕарда.

Галина Данчикова Мария Михайловна билиҥҥитин курдук санаатын булгураппат, олоххо таптал, дьулуур холобура буола сылдьарыгар баҕа санаатын тиэртэ. 

Мария Михайловна эдэр сааһын, ыанньыксытынан үлэлээбит, САССР Үрдүкү Сэбиэтин депутата буола сылдьыбыт кэмнэрин ахтан-санаан ааста. 

Саха Өрөспүүблүкэтин бырабыытыластыбатын бэрэссэдээтэлин секретариата