Саха сирин Индигир бөлөх улуустарга 1 298 км уһуннаах «Индигир» Уус-Ньара-Үрүҥ Хайа-Чокурдаах, «Дьааҥы» - Баатаҕай-Уус-Куйга (629 км), ону таһынан Депутатскай-Сыаганнаах-Үрүҥ Хайа (439 км) уонна Аллараа Дьааҥы-Уус-Куйга (349 км) кыһыҥҥы суоллара ордук суолталаахтар.

Кыһыҥҥы суоллары оҥорууга уонна үлэлиир туруктаах туттууга үлэлэһэр суол үлэһиттэрэ тоһуттар тымныылары уонна хотугу буурҕаны тулуйарга күһэллэллэр. Эбии уустуктары өрүстэр хадьымаллара уонна муус анныгар үөскүүр кураанахтар эбэллэр, диэн СИА-ҕа республика  президенин уонна правительствотын администрациятын управлениетыттан иһитиннэрэллэр.
Бэлиэтээн эттэххэ, Саха сирин кыһыҥҥы суолларын уһуна 8 000 км тахса. Онно туттарга республика государственнай бюджетыттан 2013 сыллаахха 771,3 мөл солк., 2014 сыллаахха – 745,3 мөл солк.бэриллибитэ.