Мунньах сүрүн темата – халааны утары тэрээһиннэри олоххо киллэриини үбүлээһин кээмэйин сыаналааһын. Саха Республикатын, Хабаровскай уонна Амурскай кыраайдар, Магадан уобалалаһын уонна Дальневосточнай федеральнай уокурук атын субъектарын бэрэстэбиитэллэрэ министерстволар, ведомстволар, федеральнай уонна региональнай таһымнаах тэрилтэлэр 2014 сыллаах халааны сэрэтэр үлэлэр сүрүн хайысхаларын уонна үбүлээһин кээмэйин дьүүллэстилэр.

Мунньах кэмигэр Алексей Стручков программаҕа Өлүөнэҕэ Өлүөхүмэ улууһун Кыыллаах нэһилиэгин, Дьокуускай к. аттынааҕы Эһэлээх арыы чугаһыгар, ону таһынан Халыма өрүс төрдүгэр дириҥэтэр үлэлэри ыытыыны киллэрэргэ эттэ. Чопчу ити сирдэргэ харыылар уонна кумах тибиитэ буолан, ыксаллаах быһыыны-майгыны үөскэтэллэр. Саха Республикатын территориятыгар кэнники 12 сылга сылын аайы улахан халааннар буолаллар, барыта 64 нэһилиэнньэлээх пуун эмсэҕэлээтэ.

2013 сыллаах алдьатыылаах халаан хатыламматын туһугар, республика постпреда комиссия чилиэннэрин инженернэй көмүскэл 6 эбийиэктэрин тутуутугар, ол иһигэр Верхоянскай оройуонун Верхоянскай куоратыгар уонна Өймөкөөн оройуонун Уус-Ньара бөһүөлэгэр болҕомто ууралларыгар ыйда. Алексей Стручков ити эбийиэктэри ордук суолталаахтарынан ааҕар. Россия Федерациятын айылҕатын баайын Министерствотыгар Саха Республикатыгар халаантан көмүскүүр инженернэй эбийиэктэри тутууга Программа барыла ыытылынна.

Халаантан көмүскэнии боппуруостарыгар Кэмииссийэ үлэтэ салҕанар, диэн РФ Президенигэр СР Постпредствотын пресс-сулууспата иһитиннэрэр.