“Саха сирэ” хаһыат чэппиэрдээҕи нүөмэрэ бэрт интэриэһинэй матырыйааллардаах тахсыаҕа. Ааҕааччыларбытыгар туһаайан кылгастык хаһыат бу нүөмэриттэн сорох ыстатыйалары билиһинэрдэххэ, маннык:
Газохимиябытын амурдар ыллылар
Миитиннээн, миитиннээн сыалбытын ситтибит – газохимия, переработка собуота Амурга барыах курдук буолла. Ону кытта Москваттан кэлэр миллиардынан үп. Амурдар собуоту тутары үөрүүнэн сөбүлэспиттэр. Ыт баһа көмүс кытахтан төкүнүйүүтүн туһунан суруналыыс Аграфена Кузьмина ырытыытын ааҕыҥ.
Күүлэй судьуйаларын астымматылар
“Күүлэйгэ судьуйалар мөлтөхтүк үлэлээтилэр. Хамыыһыйа иккистээн кээмэйдээн иһэн, охсуу мөлтөҕүттэн кыбыһыннаҕа буолуо, салгыы көрөртөн аккаастанна!", -- маннык санааны тыа сирин олоҕун сырдатар аналлаах суруналыыс Раиса Сибирякова Тааттаҕа ыытыллыбыт күүлэй туһунан матырыйаалыгар ким аһаҕастык иһитиннэрдэ? Бу туһунан "Уйан-хатан быһаарыллар" диэн репортажтан билсиҥ.
Тирии ыарыыта
Кэлиҥҥи кэмҥэ тирии ыарыыта олус элбээтэ. Эр дьон түргэнник хаптарар тирии бааһын туһунан, "Саха ыала" сыһыарыыбытыгар, суруналыыспыт Надежда Егорова суруйда. Дерматовенеролог Наталья Волкова интервьюта ааҕааччы болҕомтотун тардыаҕа.
Кыраһыабай
Хаһыат “Дьулурҕан” сыһыарыытыгар “пляж волейболун” спортивнай суруналыыс Виктория Бястинова бу көрүҥү "кыраһыабай кыргыттар күрэхтэһиилэрэ эбит" диэн сыана быста. Тоҕотун сиһилии ырытыыны аахтаххытына билиэххит.
Гитарист уол
Гитара -- ыччат арахсыбат аргыһа. Гитаратын туппутунан сылдьар, англия тылын учууталын дипломун туппут эдэр киһи Василий Кузьмин-Инвент иэйиигэ ылларыы, айар алыпка уһуйуллуу туһунан анаарыытын "Эдэр саас" сыһыарыыга ааҕыҥ.
“Саха сирэ” хаһыат чэппиэрдээҕи нүөмэрин көтүтүмэҥ!
Комментарии
Авторизация на сайте через социальные сети