Конкурсунан талыыга РФ субъектарыттан барыта 74 сайаапка киирбитэ, олортон 13-рин аккаастаабыттара. Талыыны ааспыттар ортолоругар – Саха Республиката баар, манна көссө саамай үрдүк баллы ылла.

Бу конкурс «Информационное общество (2011–2020 годы)» государственнай программа чэрчитинэн ыытыллар. Федеральнай бюджеттан Россия Федерациятын субъектарын бюджетыгар  региональнай бырайыактары кыттыһан үбүлээһиҥҥэ икки сүрүн хайысханан субсидия ыытыллар.  Бастакыта — элбэх өҥөнү оҥорор кииннэргэ государственнай уонна муниципальнай өҥөлөрү оҥоруу хаачыстыбатын үрдэтэргэ анаан автоматизированнай информационнай систиэмэ быһыытынан «биир түннүгү» киллэрии. Иккис хайысха — государственнай уонна муниципальнай өҥөлөрү электроннай кээмэйинэн оҥорууну хааччыйыы. Ити хайысхалар сайдыыларыгар Саха сирэ  30 мөл солк ылыаҕа.

Государственнай программаҕа субсидия региональнай бюджеттан кыттыһан үбүлээһн усулуобуйатынан бэриллэр. Ити бырайыактар олоххо киириилэрин түмүгэ 2015 сыл бэс ыйын 1 күнүгэр ситиһиллиэҕэ, диэн  Саха сирин сибээһин уонна информационнай технологияларын Министерствоти иһитиннэрэр.