“Өрөспүүбүлүкэ эдэр инноватордара элбэх идейэлээхтэр. Бу тэрээһин, эдэр дьон санааларын байытыа, оҥорон көрөр дьоҕурдарын сайыннарыа, уонна кэлэр өттүгэр биһиги ситиһиилээх устуоруйалаах бырайыактары көрүөхпүт диэн эрэнэбин”,-диэн СӨ вице-бэрисидьиэнэ Дмитрий Глушко киирии тылыгар эттэ.

Хотугулуу-Илиҥҥи бэдэрээссийэлиир үнүбэрсиэт ретора Евгения Михайлова, региоҥҥа инновацияны олохтуурга үнүбэрсиэт оруолун ыйда. “Идиэйэлэри дьиҥ олохтон ылыахха сөп. Ол туһугар биһиги үөрэхпит кыһатыгар, уһуйааччылар, устудьуоннар, учуонайдар икки ардыларыгар доҕордуу сыһыаны олохтуу сатыыбыт. Үнүбэрсиэт номнуо сүҥкэн научнай-үөрэтэр, култуурунай киин курдук буолубута, билигин биһиги регионнааҕы инновационнай киинин статуһун ылар баҕа санаалаахпыт”, - диэн Евгения Михайлова бэлиэтээтэ.

Russian startup tour диэн бырайыакка, кыттааччылар инновационнай бырайыактарын көмүскүөхтэрэ, “Сколково” пуонда эспиэртэрин маастар кылаастарыгар сылдьыахтара, инноватордар инвестицийэ ырыынагын эспиэртэрин уонна инновацияларын кытары кэпсэтихтэрэ. ХИБҮ аатыттан, уон устудьуон уонна эдэр учуонай араас бырайыактаах кыттыаҕа: медицинскэй килиэйи оҥоруу, суол-тутуу үлэтин автоматизациялааһын, эмиий рагын ыарыытын быһаарыы онтон да атын.