ХИБҮ Эти-хааны эрчийии уонна спорт үнстүүтэ уон киһилээх хомуур хамаанданы ыыппыта. Устудьуон Александр Соловьев 60 киилэҕэ диэри ыйааһыннаахтарга бастакы миэстэни ылары ситистэ, 70 киилэҕэ диэри Айаал Карбаков иккис миэстэ буолла. Магистрант Светлана Артахинова, Александра Федорова уонна физико-техническэй үнстүүт устудьуона Таллайгуль Калдарбаева бэйэлэрин ыйааһыннарыгар миэстэлэстилэр. Күрэхтэһии түмүгүнэн кыайыылаахтар мас тардыһыытыгар аан дойду чемпионатыгар кыттар путевканан наҕараадаланнылар.

Спортсменнар спорт национальнай көрүҥнэрин хаапыдыратын салалтатыгар олоҕуран, Яна Захароваҕа, Михаил Борохиҥҥа уонна Александра Захароваҕа дьарыктаммыттара.

“Мас тардыһыыта-көрдөрөр спорт көрүҥэ, манна ураты мал наадата суох, күүстээх мадьыны тута биллэр. Судургутун иһин бу көрүҥү Арассыыйа араас регионнарын спортсменнара сөбүлүүллэр уонна салгыы сайдан иһииэҕэ дии саныыбын, - диир Яна Захарова. - Күүстээх атлеттары бэлэмнииргэ, спортсменнары стимуллуохха наада уонна күүстээх дьарыкка болҕомтону ууруохха наада”.

Чемпионат түмүгүнэн, Саха Өрөспүүбүлүкэтин хамаандата бастаата, иккис, үһүс миэстэни Москуба уонна Санкт-Петербург хамаандалара ситистилэр.