Аан дойдутааҕы күрэхтэһии кыайыылаахтарын мэтээллэрин «Киэргэ» ювелирнай фирма оҥордо. Манна даҕатан эттэххэ, «киэргэлэр» бары улахан күрэхтэһиилэр спонсордарынан буолаллар. Мэтээллэри сэргэ бу фирма мас тардыһыытыгар анаммыт ювелирнай оҥоһуктары айан оҥордо.

Үөрүүлээх тэрээһиҥҥэ СӨ Спорка министиэристибэтин, «Киэргэ» ХЭО салайааччылара, спорт бэтэрээннэрэ уонна Саха сирин сүүмэрдэммит хамаандатын чилиэннэрэ кыттыыны ылыахтара.

Билэргит курдук, мас тардыһыытыгар аан дойду чемпионата Дьокуускайга. «Триумф» спортивнай кииҥҥэ сэтинньи 29-30 күннэригэр буолуоҕа. Онно 12 комплект наҕараада иһин 35 дойдуттан 186 мадьыны күүһүн холоһоро күүтүллэр.