Финнэр сүүмэрдэммит хамаандаларын тренерэ Юха Йаннти эппитинэн, мас тардыһыы кинилэргэ спорт көрүҥүн быһыытынан бу соторутааҕыта үөдүйбүт. «Миигин кытта икки спортсмен, ол иһигэр дойдубут саамай күүстээх дьахтара Ханна Мелторанта кэллэ. Чемпионаттан үчүгэйи эрэ күүтэбит», - диэтэ кини.
Ханна Мелторанта бэйэтэ СИА корреспонденыгар мас тардыһыынан дьарыктаммыта икки эрэ ый буолбутун эттэ. Уонна «Бу олус интэриэһинэй спорт көрүҥэ», - диэн санаатын үллэһиннэ.
Бу күннэргэ атын хамаандалар кэлэллэрэ күүтүллэр. Сэтинньи 29-30 күннэригэр ыытыллар чемпионакка барыта 35 дойду спортсмена кыттыаҕа.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети