23.37 чааска Дьокуускай «01» сулууспатыгар  Тулагы Первомайскай уулуссатыгар баар олорор дьиэҕэ уот турбутун туһунан иһитиннэрии киирбит. 6 мүнүүтэ иһигэр баһаары утары үлэлиир сулууспа уот турбут сиригэр тиийбит, 2 киһи балыыһаҕа тиэрдиллибит. Сабаҕаалааһын быһыытынан электротэрилгэ дэҥ холбоһууттан умайыы тахсыбыт. Буруйдааҕы быһаараллар уонна хоромньуну ааҕаллар.

08.37 чааска «01» сулууспатыгар Амма оройуонуттан  Амма сэлиэнньэтин сыбаалкатын таһыгар харабыл будката умайан эрэрин туһунан суһал иһитиннэрии киирбит. 3 мүнүүтэ иһигэр баһаарынайдар умайа турар будкаҕа тиийэн умуруорбуттар. Буруйдааҕы көрдүүллэр уонна хоромньуну ааҕаллар.

Томпо Хандыгатыгар Алданская уул. квартира аана умайбыт. Куттал суох буолуутун быраабылатын тутуспатахтара умайыы сүрүн төрүөтүнэн буолбут.

11.36 чааска «01» сулууспатыгар Дьокуускай  Сэргэлээх суолун 8 км баар трансформаторнай будка умайбыт. 9 мүнүүтэ иһигэр баһаарынайдар тиийэн трансформаторнай будка уонна олбуор умайа турарын умуруорбуттар. Дэҥ холбоһууттан уот турбут, буруйдааҕы быһаараллар уонна хоромньуну ааҕаллар.

16.15 чааска «01» сулууспатыгар Нерюнгри Мир уул. «ВАЗ 2105» массыына умайан эрэрин туһунан суһал иһитиннэрии киирбит. «ВАЗ 2105» массыына иһэ уонна «Тойота Карина» кузова умайбыт. Оҕолор уотунан ооннообуттарын түмүгэр массыына умайбыт диэн сабаҕалааһын баар. Буруйдааҕы быһаараллар уонна хоромньуну ааҕаллар.

16.35. чааска «01» сулууспатыгар  Орто Халыма оройуонугар Чиэрскэйигэр Пушкин аатынан уул. 5 этээстээх олорор дьиэҕэ баһаар буолбут. Уоту умуорааччылар 7 мүнүүтэ иһигэр тиийбиттэр. Квартира аана уокка былдьаммыт. Буруйдааҕы быһаараллар уонна хоромньуну ааҕаллар.

17.11. чааска «01» сулууспатыгар Дьокуускай Марха микроройуонугар Подгорная уул. уот турбутун туһунан эппиттэр. Баһаарынайдар 8 мүнүүтэ иһигэр миэстэтигэр тиийбиттэр. Баанньык уонна манна сыһыары тутуу, олбуор, тутуу матырыйаала, сайыҥҥы кладовка уокка умайбыт. Буруйдааҕы быһаараллар уонна хоромньуну ааҕаллар.

20.04. чааска «01» сулууспатыгар Дьокуускайга Техучаастакка Оҕуруотчуттар уул. «КамАЗ» массыына умайбытын туһунан биллэрбиттэр. 10 мүнүүтэ иһигэр баһаарынайдар тиийбиттэр. Эмиэ дэҥ холбоһууттан уот турбут. Буруйдааҕы баһаараллар уонна хоромньуну ааҕаллар.

Ытыктабыллаах Саха сирин олохтоохторо уонна ыалдьыттара! Уоттаан сэрэхтээх буолуҥ диэн кылаабынай управление ыҥырар.

Уоту сэрэхтээхтик туттуҥ, оҕолор уотунан оонньууларын бобуҥ, электроприбордары туһанарга болҕомтолоох буолуҥ, дьиэлэргитигэр, массыыналарга электропроводканы бэрэбиэркэлээҥ!

Ойуур баһаарын туһунан http://sakha.gov.ru/deples сайтка билсиэххэ сөп.