Ахсынньы 15 күнүгэр Нерюнгрига 00 ч.56 мүн. «01» сулууспаҕа Серебрянай Бор бөһүөлэгэр чааһынай даача умайан эрэрин туһунан биллэрбиттэр. Уот дьиэ хоруобуйатын, өһүөтүн сиэбит, уопсайа 50 кв.м иэннээх сири хаппыт. Сабаҕалааһынынан, баһаар оһохтон турбут буолуон сөп. Буруйдааҕы уонна хоромньуну быһаараллар.
Оттон Зярынка бөһүөлэгэр Транспортнай уулуссаҕа турар гараж умайбыт. Баһаарынайдар кэлиилэригэр гаражтан хойуу буруо тахса турар эбит. Уот гараж иһин сиэбит. Буруйдааҕы уонна хоромньуну быһаараллар.
Эмиэ бу күн киэһэ Нерюнгрига К.Маркс уулуссатыгар турар дьиэ умайан эрэрин туһунан иһитиннэрии киирбит. Уот бөх тоҕор сир аанын, уопсайа 2 кв.м иэннээх сири сиэбит. Буруйдааҕы уонна хоромньуну быһаарыллар.