- Хаҥалас Кытыл Дьуратыгар уу таһыма 1457 см. кутталлааҕа - 1626 см;

- Сиинэҕэ уу таһыма 700 см, тыҥааһыннааҕа - 800 см;

-Өктөмҥө уу таһыма 255 см. Манна 1370 см уу кутталы үөскэтэр.

Уста турар муус аллаараа кирбиитэ Покровскайтан Табаҕаҕа диэри ыам ыйын 7-8 күннэригэр кэлиэн сөп.

 Витимҥэ Иркутскай уобалас сиригэр-уотугар Бодайбо гидропостка (өрүс төрдүттэн 290 км) уу таһыма 41 см, манна ыксаллааҕа - 1170 см, Мама сэлиэнньэтин таһыгар - 416 см, муус элбэҕэ суох. Неляты сэлиэнньэтигэр уу таһыма - 369 см, муус суох, ыраас.

Читинскэй уобаласка Чара өрүскэ Чара гидропостка (Саха сирин кыраныыссатыгар диэри - 390 км), уу таһыма 100 см, республика сиригэр-уотугар Токко сэлиэнньэтин таһыгар өрүскэ муус аҕыйах, уу таһыма 340 см, манна 870 см кутталлаах кирбии буолар.

Өлүөхүмэҕэ муус алын кирбиитэ Дьикимдэ таһыгар баар. Уу таһыма 356, ыксаллаах таһым - 1480 см.

Алдаҥҥа муус икки хайысханан барар. Сүрүҥҥэ муус алын кирбиитэ Уус -Маайа Белькачи бөһүөлэгин таһыгар баар. Өрүс уутун таһыма 1674 см, муус устубакка турар, манна кутталлаах таһым 2330 см. Муус үөһээҥи кирбиитэ Алдан Кутанатын аттыгар бэлиэтэнэр. Уу таһыма 1000 см, критическэй таһым 1700 см.

Муус барыытын иккис хайысхата Маайа өрүс аһара барыытыттан үөскээбит. Муус алын кирбиитэ Уус-Маайа Эльдиканыгар баар, уу таһыма 1040 см. 1515 см. уу ыксалы үөскэтиэн сөп.Муус үөһээҥҥи кирбиитэ Уус-Маайаҕа турар. Уу таһыма 632 см, 1300 см уу кутталы үөскэтиэн сөп.

Аммаҕа алын кирбиитэ Амма улууһун Сулҕаччыттан 23 км аллараа баар. Уу таһыма 907 см. кутталлааҕа — 1000 см. Үөһээҥни кирбии Покровкаттан 10 км аллараа баар. Уста турар муус уһуна 153 км.

Амма Абаҕатыгар уу таһыма 838 см, тыҥааһыннааҕа - 960 см.

Амма Мээндигэтигэр уу таһыма 650 см, кутталлааҕа - 970 см;

Амма Төрүтүгэр уу таһыма 772 см, 1000 см ыксалы үөскэтэр.

Бүлүүгэ муус алын кирбиитэ Бүлүү куоратыгар баар, өрүс уутун таһыма - 434 см, кутталлааҕа - 1050 см. Үөһээҥи кирбии Күндээдэҕа баара бэлиэтэнэр. Уу таһыма гидропост таһыгар 593 см., критическэйэ - 950 см. Суукка иһигэр муус 256 км уһунна.

Халымаҕа муус турар, ыам ыйын 20, Янаҕа ыам ыйын 17, Индигиркэ ыам ыйын 22 күннэригэр аһыллыа диэн сабаҕалыыллар.

Республика өрүстэригэр быһыы-майгы бигэ, өрүс уутун таһыма кутталлаах көрдөрүүнү аһарбат, бу күннэргэ уу нэһилиэнньэлээх пууннарга кутталы үөскэппэт.

Ыам ыйын 7 күнүнээҕи, сарсыарда 9 чаастааҕы туругунан олорор дьиэ, араас тутуу ууга былдьаммыта диэн суох.

Өрүскэ сааскы халаан содула суохтук ааһарын туһугар эрдэттэн сэрэтэр үлэни толорор РФ ЫБММ Уһук Илиннээҕи регионнааҕы киин суһаллык дьайар икки бөлөҕө, ону таһынан Саха сиринээҕи кылаабынай управлениетын биэс бөлөҕө үлэлиир. Бу бөлөхтөргө РФ ЫБММ КУ үлэһиттэрэ, РФ ЫБММ уонна Саха сирин быһааччылара киирдилэр. Биэдэмистибэлэр икки ардыларынааҕы хамыыһыйа үлэлиир.

РФ ЫБМ Саха сиригэр үлэлиир управлениета өрүстэри кыйа баар улуустар олохтоохторугар халаан уута чугаһаабытын туһунан иһитиннэрэр. Сыаналаах малы-салы дьиэ кырыыһаларыгар, сүөһүнү-аһы уу ылбат үөһэ сирдэргэ эрдэттэн таһаарарга, докумуоннары, наадалаах малы-салы хомунаргытыгар, олохтоох былаас иһитиннэриилэрин кэтииргитигэр этэллэр.