"Муус үөһээҥҥи кирбиитэ Нам Модутун (Тумул) таһыгар баар. Таһымы мээрэйдиир риэйкэттэн уу таһыма намыһах. 750 см уу ыксаллаах быһыыны-майгыны үөскэтиэн сөп. Суукка устата муус 35 км. уһунна, уһуна 176 км", - диэн ыам ыйын 12 күнүгэр кылаабынай управлениеттан иһитиннэрдилэр.

Дьокуускайга уу таһыма - 300 см, кутталлааҕа - 990 см (даамбаны аахсан туран), устар муус аҕыйах.

Намҥа уу таһыма 615 см, ыксаллааҕа - 950 см, муус аҕыйах. 

Уус-Алдан улууһун Арыы-Тиит сэл. таһыгар уу таһыма - 654 см, кутталлааҕа - 970 см, өрүскэ муус хойуу. Оҕуруоттаах сэл. таһыгар уу таһыма кээмэйдиир риэйкэттэн намыһах, кутталлааҕа - 790 см, муус элбэҕэ суох.

Читинскэй уобаласка Чара өрүскэ Чара гидропостка муус миэстэтигэр ууллан эрэр, уу таһыма 81 см. Муус суох, ыраас. Токко сэлиэнньэтин таһыгар өрүскэ муус суох, уу таһыма 377 см, манна 870 см кутталлаах кирбии буолар.

Өлүөхүмэҕэ муус алын кирбиитэ өрүс төрдүгэр. Үөһээҥҥи кирбии Куду-Күөл таһыгар баар. Уу таһыма 465, ыксаллаах таһым - 1250 см. муус суох, өрүс ыраас. Суукка устата муус 65 км уһунна, муус уһуна 165 км. Чита уобалаһыгар Орто Өлүөхүмэ гидропост таһыгар уу таһыма 550 см, ыраас.

Алдаҥҥа муус алын кирбиитэ Уус-Алдан Дыгдал сэл. 10 км алаараа өттүгэр баар. Уу тыһыма кутталлаах кирбиигэ 1005 см тиийбэт. Муус үөһээҥи кирбиитэ Томпо улууһун Кириэс-Халдьаайытын аттыгар. Уу таһыма 429 см, кутталлааҕа - 1066 см, муус элбэҕэ суох. Муус уһуна 313 км.

Томпо улууһун Дьыабарыкы Хайатын таһыгар уу таһыма - 537 см, муус аҕыйах, Хаандыгаҕа уу таһыма - 641 см, ыксаллааҕа - 990 см. Томпо улууһун  Кэскил бөһ. таһыгар уу таһыма 345 см, 1050 см кутталы үөскэтиэн сөп. Мэҥэ-Алдаҥна - 508 см, кутталлааҕа - 750 см, муус элбэҕэ суох.

Уус-Алдан Кыыллайын таһыгар уу таһыма 890 см, ыксаллааҕа - 1180 см, муус хойуу, Чэрийктэйгэ кутталлаах көрдөрүү 1050 см, бүгүҥү туругунан уу таһыма онно тиийбэт.

Аммаҕа муус үөһээҥи кирбиитэ Таатта Чымынаайытынан аттыгар. Уу таһыма 902 см, 1140 см кутталы үөскэтэр. Суукка устата муус 60 км. уһунна, муус уһуна78 км.

Чурапчы Мандаҕаайытыгар уу таһыма 470 см, ыксаллааҕа - 1350 см, сэлиэнньэ таһыга өрүс ыраас. Мырылаҕа уу таһыма 440 см, кутталлааҕа - 950 см, ыраас.

Бүлүүгэ муус алын кирбиитэ Кэбээйи Промышленнай бөһүөлэгин аттыгар баар. Уу таһыма 1565 см., муус хойуу, үөһээҥи кирбии Кэбээйи Хатырык-Хомо сэлиэнньэтин аттыгар бэлиэтэнэр. Уу таһыма 831 см., критическэйэ - 1060 см., муус элбэҕэ суох. Суукка устатыгар 93 км. уһунна, муус уһуна 103 км.

Халымаҕа, Янаҕа, Индигиркэҕэ муус турар.

Республика өрүстэригэр быһыы-майгы бигэ. Уу таһымнара ыксаллааҕы аһарбаттар, нэһилиэнньэлээх пууннарга, социальнай эбийиэктэргэ куттал суоһаабат.

Ыам ыйын 12 күнүнээҕи туругунан сарсыарда 9.00 чааска ууга былдьаммыт дьиэ, тиэргэн суох.