- Бу күн Олоҥхо театра Сергей Потапов В.О.Каратаев «Оҕо тулаайах» олоҥхо-испэктээкилин туруоруутун көрдөрүөҕэ.
- Сэтинньи 26 күнүгэр фольклористар форумнара буолуоҕа. «Арчы» дьиэтигэр «Олонхо в степях Монголии» документальнай киинэни көрдөрүөхтэрэ, араас көрсүһүүлэр, «төгүрүк остуоллар» ыытыллыахтара.
- Ахсынньы 1 күнүгэр Чурапчы улууһун делегацията 2015 сыллааҕы Олоҥхо ыһыаҕын концепциятын билиһиннэриэҕэ. «Музей уонна театр» бырайыагынан В.Г.Исакова оҕолорго аналлаах «Эрбэхчэй Бэргэн» олоҥхо-испэктээкилин көрдөрүөхтэрэ.
- Ахсынньы 3 күнүгэр 2014 сыллааҕы Олоҥхо ыһыаҕын түмүгүн билиһиннэриэхтэрэ. Онно өрөспүүбүлүкэтээҕи ыһыах көрүү-куонкурустарын кыайыылаахтарын оҥоһуктара көрдөрүллүөхтэрэ, самодеятельнай худуоһунньуктар быыстапкалара, тыа хаһаайыстыбатын бородууксуйатын атыылааһын тэриллиэҕэ, самодеятельнай театр Егор Лукин «Хаҥалас Боотур» олоҥхо-испэктээкили көрдөрүөҕэ, Ыһыах культурнай бырагырааматын кыттыылаахтарын кэнсиэрэ буолуоҕа.
- Ахсынньы 4 күнүгэр олоҥхо матыыптарынан оонньуурдары оҥорууга идэтийэр норуот маастардарын өрөспүүбүлүкэтээҕи куонкурустара тэриллиэҕэ. Маны сэргэ Олоҥхо ассоциация бэйэтин 15 сылын бэлиэтиэҕэ.
- Туспа бырагырааманан ойуулуур-дьүһүннүүр искусство быыстапкалара, лекциялар, тиэмэлэринэн биэчэрдэр, испэктээкиллэр буолуохтара.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети