Сэтинньи 30 күнүгэр Дьокуускайга хомуска аналлаах тэрээһиннэр ыытыллыахтара. Саха сирин олохтоохторо хомуһу улаханнык ытыктыылар, бу инструмент хас биирдии саха ыалын дьиэтигэр баар.

Бу күн Суорун Омоллоон аатынан опера уонна балет театрыгар хомус бырааһынньыга ыытыллыа. Бу тэрээһин чэрчитинэн түмүгү таһаарыы, «Амынньыкы мичээрэ» хомуһу оҥорооччу маастардар аан дойдутааҕы интерактивнай конкурстарын кыайыылаахтарын наҕараадалааһын, саха хомуһун, сувенирдары, ювелирнай оҥоһуктары быыстапка-атыылааһын ыытыллыахтара.

16:00 чааска «Олоҥхо дойдутун Хомуһа. Гоголев С.И. – Амынньыкы Уус» быыстапка аһыллыытын сиэрэ-туома, 18:00 – Хомус Күнүгэр аналлаах киэһэни үөрүүлээхтик аһыы, ону таһынан бу күҥҥэ аналлаах улахан Оһуохай буолуохтара.

Күн устата «Хомус доҕотторун түмэр» аан дойдутааҕы интерактивнай акция ыытыллыа.