«Флот бэлэмэ былааҥҥа сөп түбэһэр. Өрүс суола аһылынна эрэ паромнар айанныахтара», - диэтэ министиэристибэ уу тырааныспарын отделын начальнига Николай Александров.

Өрүскэ муус этэҥҥэ ааһан эрэринэн, ыам ыйын 18-19 күннэригэр суднолар өрүһүнэн сырыылара саҕаланыаҕа.

«Причаллар быйыл ууга былдьамматылар. Тэрилтэ автотырааныспар турар сирин төһө бэлэмниириттэн, кэми олохтууруттан тутулуктаах», - диэн эбэн эттэ Н.Александров.

Хачыкаат — Мохсоҕоллоох хайысханан паром сырыытын туһунан этэр буоллахха, бу айаны кэтэх предпринимателлэр хааччыйаллар.

Быйыл «Якутск» судоходнай компания 5 парома айанныа (кэлиҥҥи төһө туолбутунан), Аллараа Бэстээххэ — 8 (таһааччылар сайаапкаларынан), Хачыкаакка — 11 (былаан быһыытынан), Суоттуга — 2.

Паром айанын кэмэ уонна тарыыба бу күн устата чуолкайа биллиэҕэ.

Сыана госкэмитиэтэ эрдэ олохтообут сыаната маннык: Дьокуускай — Аллараа Бэстээх паромугар мотороллерга уонна мотоциклга 146 солк., чэпчэки массыыналарга ыйааһыннарыттан көрөн 350-тэн 949 солк. диэри, пассажирдары тиэйэр автобусов – 1 314 солк. 2 336 солк. диэри, таһаҕаһы тиэйэр массыына - 350 солк. (0,5 тоннаны көтөҕөр кыахтаахтар) 11 680 солк. (30 тоннаны көтөҕөр кыахтаахтар), контейнердар – 268 солк. 2 636 солк. диэри.

1 тонна таһаҕас сыаната ортотунан 292 солк.

Улахан дьоҥҥо уонна 10-тан аҕа саастаах оҕолорго сыана былырыыҥҥы курдук 113 солк., 5-тэн 10-гар диэри саастаах оҕолорго – 57 солк., 5-гэр диэри саастаах оҕолорго айан босхо.