Бу күн Үөдэй нэһилиэгэр Аан дойду үрдүнэн ыытыллар мас олордуутун күнэ буолла. Нэһилиэк дьаһалтатын, култуурунай киин, балыыһа үлэһиттэрэ, оскуола учууталлара уонна оҕолоро баҕа өттүлэринэн мас олордуутун акциятыгар кытыннылар.

Мастары Илья Болуров, Игорь Николаев оскуола улахан оҕолорун кытта түөрэн аҕаллылар. Дьахталлар, кыргыттар мас олордуллар дьааматын хастылар, уу куттулар. Бары көхтөөхтүк кыттан уопсайа 30- тан тахса мас олордулунна.

"Оскуола оҕолоро ойуур киһиэхэ туһатын туһунан плакаттары уруһуйдаатылар. Күөх тыа баарын тухары тыынар тыыннаах баар буолуо. Маннык мас олордуутун акцията сылын аайы ыытыллар үгэскэ кубулуйбута кэрэхсэнэр. Аны сотору сибэкки арааһын тэлгэһэ иһигэр үүннэриэхпит. Тэрилтэлэр эмиэ эрдэттэн бэлэмнэнэн сибэкки үүннэрэргэ бэлэм сылдьаллар. Нэһилиэкпит күөҕүнэн чэчирии туруоҕун баҕарабыт", - диэн нэһилиэк баһылыгын солбуйааччыта М. Николаева.

Баһылык Б. Попов быйыл ойуур хаһаайыстыбатыгар өр сылларга таһаарыылаахтык уонна түмүктээхтик үлэлээбит В. Саввиновы бу боппуруоска общественнай сүбэһит быһыытынан анаабыта. Ньурбаны көҕөрдөр эрэ буолбакка, олордуллубут маһы көрөн-харайан үүннэрэр үлэни тиһигин быспакка, күүскэ хонтуруоллаһан үлэлиирин көрдөспүтэ. Улууска баар бары тэрилтэлэр күүстэрин түмэн үлэлэһиэхпит диэн былааннаммыттара. Хас биирдии Ньурба олохтооҕо бу үтүө дьыалаҕа санаатын ууран ылыстаҕына Ньурбабыт чэлгийиэ, күөҕүнэн сигилийиэ, диэн Ньурба оройуонуну пресс-сулууспата иһитиннэрэр.