Пресс-сэкирэтээр Елена Гуляева быһылаан тахсыбыт сиригэр кэлбиттэрин, 25 саастаах УАЗ массыына суоппара «Ладушка» оҕо садын сэттэ саастаах иитиллээччитин түҥнэри көппүтүн туһунан кэпсээтэ. Үс сыл ыстаастаах суоппар урукку өттүгэр хаһан да буруйга-сэмэҕэ тардыллыбатах.

Быһылаан төрүөтүн уонна быһыытын тула билигин быһаарар-силиэстийэлиир үлэ бара турар.

«Көрбүт дьон этэллэринэн, оҕо кыра олбуор кэнниттэн ойон тахсыбыт», - диир Е.Гуляева. Бүгүн бу соҕотох түбэлтэ буолбатах. Киров-Поярков ааттарынан уулуссалар быһа охсуһууларыгар массыына уруулугар олорор дьахтар 9 саастаах оҕону дэҥнээбит уонна быһылаан буолбут сириттэн «куоппут». Оҕо медицинэ киинигэр сытар.

Билиҥҥи туругунан массыына суоппара ким буолара быһаарыллыбыт. «Кини оҕону түҥнэри көппүтүн билбэт даҕаны», - диэтэ пресс-сэкирэтээр.