Куораттааҕы оҕо дьиэтэ 202-с микро-оройуоҥҥа баар. Бу дьиэ баһаартан куттал суох буолуутун быраабылаларыгар уонна САНПИН нуормаларыгар эппиэттэспэт. «150 миэстэлээх икки этээстээх таас дьиэ тэтимнээхтик тутулла турар. Аныгыскы Саҥа дьылы саҥа дьиэҕэ көрсүөхпүт диэн бигэ эрэллээхпин», - диэтэ  Галина Данчикова.

Премьер оҕо дьиэтигэр олус кыһамньылаах коллектив үлэлиирин бэлиэтээтэ. «Оҕо бу дьиэҕэ сылдьарыгар үчүгэй усулуобуйаны тэрийиигэ государство ураты болҕомтону ууруохтаах», - диэтэ Г. Данчикова.

Бүгүҥҥү туругунан бу дьиэҕэ 80 оҕо баар, итилэртэн 49-һа инбэлиит. «Манна биир үксүн төрөппүттэрэ аккаастаммыт оҕолору аҕалаллар. Оҕолору төрүөхтэриттэн 4 саастарыгар диэри ылабыт. Биир оҕону иитиигэ күҥҥэ быһа холуйан 3 тыһ.солк. ороскуоттанар», - диэтэ куораттааҕы оҕо дьиэтин кылаабынай бырааһын э.т. Лена Бубякина.

Кэнники кэмҥэ төрөппүттэр оҕоттон бастаан утаа аккаастанан баран, кэлин төттөрү ылаллара элбээбитин туһунан кини эттэ. «Оҕо ийэтэ, аҕата үлэ буларга, олорор усулуобуйаны тупсарыыга дьулуһар буоллулар. Сорох оҕолору атын дьон иитэ ылаллар», - диэтэ Л. Бубякина.