“Күүтүүлээх бырааһынньыкпытыгар бэлэмнэммиппит ыраатта. Оҕолору кумааҕыттан хаар, остуоруйа геройдарын кырыйа үөрэттим. Ону сэргэ араамалаах тааска кыраасканан уруһуйдаатыбыт. Коллективпар эмиэ итинник ньыманан үлэлииргэ маастар-кылаас биэрдим”, - диир Любовь Иннокентьевна.

Оҕо саадыгар киирээккин кытта кумааҕыттан кырыллан оҥоһуллубут Чысхаан, Хаарчаана, сыл бэлиэтэ – коза уонна да атын кыыллар, болҕомтону тардар куруһуба хаардар, эҥинэ уруһуйдар саҥа сылынан эҕэрдэлии көрсөллөр.

Уран тарбахтаах Любовь Иннокентьевна кырачааннарынаан ураты нарын үлэлэринэн (кумааҕыга, тааска уруһуйдарынан, кырыйыыларынан) быйыл Бүтүн Россиятааҕы, аан дойдутааҕы куонкурустарга кыттан, хас да төгүл кыайыылааҕынан таҕыстылар. Маныаха дьүүллүүр сүбэлэр оонньуу сылдьар, оһуохайдыы, олоҥхону сэҥээрэн истэ эбэтэр олоҥхолуу олорор оҕолор кумааҕыга, тааска түһэриллибиттэрин олус сэргииллэр, чорботон бэлиэтииллэр.