Дьокуускайга "Остуоруйа дойдута" оҕо саадын иитиллээччилэрэ Сибэтиэй Валентин күнүн көрсө төрөппүттэригэр бэлэх оҥордулар

Тапталлаахтар күннэрин көрсө, ама, ким бэлэх тутуон баҕарбат буолуой?! Бу долгутуулаах күҥҥэ, Дьокуускай куорат “Остуоруйа дойдута” оҕо саадын иитиллээччилэрэ иитээччилэрин кытта төрөппүттэригэр, чугас дьонноругар бэлэхтэрин бэлэмнииллэр. Бэртээхэй открыткалары оҥороллор.

- Төрөппүттэргэ саамай күндү бэлэх буолуо дии саныыбын. Бу үлэбитигэр биһиги өҥнөөх кумааҕыны, хордуоҥканы, фольганы, ватманы тутуннубут. Маны сэргэ, лиэнтэлэри, куруһубалары, оҕуруолары, тимэхтэри, сибэкки ойууларын туһанан, эгэлгэ открыткалары бэлэмнээтибит, - диир оҕо саадын эбии үөрэхтээһиҥҥэ педагога Любовь Федорова.