- “Айыы кыһата” оскуола маҥнайгы кылааһын үөрэнээччилэригэр остуоруйа кэпсии остуоруйаһыттар уонна үһүйээн кэпсээччилэр республикатааҕы куонкурустарын кыайыылааҕа Мария Алехина-Ушницкая кэллэ.
- “Миэхэ эбэлэрим Степанида Герасимовна уонна Татьяна Филипповна остуоруйа кэпсээччилэр. Кэбээйи улууһун Тыайатыгар олорбуппут. Эбээлэрим уус тыллаах остуоруйаһыттар этилэр – кинилэр остуоруйаларын геройдара харахпар көстөллөрө. Кэлин эбээлэрим курдук остуоруйаһыт буоллум. Кырачааннар боччумуран олорон истэллэрин, остуоруйа түгэннэриттэн соһуйан эбэтэр үөрэн харахтара чоҕулуһарын көрөн, олус үөрэбин”, -- диир Мария Ивановна.
- Бүгүн оҕолор икки остуоруйаны истээри бэлэмнэнэллэр. “Аатын сүтэрбит” уонна “Муммут оҕо” диэн остуоруйалар оҕону киһи аатын-суолун харыстаан илдьэ сылдьарга уонна ыарахаттартан чаҕыйбат буоларга үөрэтиэҕэ.
- Ол курдук, “Арай биирдэ...”, -- диэн тылларынан остуоруйаһыт Мария Ивановна оҕолору алыптаах остуоруйа дойдутугар киллэрдэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети