Турнирга киин куорат оскуолаларыттан, Оҕо дыбарыаһыттан, Хатастан, 5 №-дээх Дьокуускайдааҕы оҕо спортивнай оскуолатыттан, Горнайтан, Мэҥэ-Хаҥаластан уонна Нам улууһун аҕыс оскуолатыттан барыта 97 эдэр дуобатчыт кытынна. Турнир алта бөлөҕүнэн швейцарскай систиэмэнэн ыытылынна.

5-11 кылаас уолаттарыгар Нам 1 №-дээх оскуолатын үөрэнээччитэ Посельскай Миша эрэллээхтик бастаата. Толя (Дьокуускай, Оҕо дыбарыаһа) уонна Павлов Максим (Дьокуускай 5 №-дээх оҕо спортивнай оскуолата) иккис, үһүс буоллулар.

Кыргыттарга бастакы миэстэни Намнааҕы гимназия үөрэнээччитэ Эмма Софронова эрэллээхтик ылла. Аля Большакова (Дьокуускай 5 №-дээх спортивнай оскуолата) иккис, Нам 2 №-дээх оскуолатын үөрэнээччитэ Марина Слепцова үһүс буоллулар.

Орто уонна кыра саастаах уолаттарга, кыргыттарга Дьокуускай оҕолоро күннээтилэр. Ол курдук, орто саастаах уолаттарга Ньургун Багынанов (Дьокуускай 2 №-дээх оскуолата) - бастакы, Федя Никулин (Дьокуускай, Оҕо дыбарыаһа) - иккис, Игорь Пономарев (Дьокуускай 26 №-дээх оскуолата) үһүс миэстэлэри ылан үөрдүлэр-көттүлэр.

Кыргыттарга Алена Большакова (Дьокуускай 36 №-дээх оскуолата) бастакы, Дуобат, саахымат киинин иитиллээччитэ Сандаара Апросимова - иккис, Виталина Колесова (Дьокуускай, Оҕо дыбарыаһа) үһүс миэстэлэннилэр.

1-2 кылаас үөрэнээччилэригэр уолаттарга Дуобат, саахымат киинин иитиллээччилэрэ Айаал Бушуев, Витя Малышев уонна Оҕо дыбарыаһыттан Ян Васильев кыайыылаахтарынан таҕыстылар. Оттон кыргыттарга Юля Никанорова, Айыына Протопопова (Дьокуускай, Оҕо дыбарыаһа) уонна Мэҥэ-Хаҥаластан Нарыйаана Попова бириистээх миэстэни ыллылар.

Бары бириистээх миэстэҕэ тиксибит оҕолор дипломнарынан, мэтээллэринэн, Намнааҕы оҕо спортивнай оскуолата (директор Егоров Б.П.) спонсордаабыт сыаналаах бириистэринэн биһирэннилэр. Маны таһынан, биирдиилээн үчүгэй оонньууну көрдөрбүт Ефремов Ганя, Сергеева Луиза, Григорьева Лена (Горнай), Дьяконов Саша (Хамаҕатта), Павлова Вика (Бөтүҥ), Иванов Ксенофонт, Слепцов Алик, Константинов Ганя (Хатас), Контоева Айкуо, Большаков Алеша, Большакова Виолетта (Дьокуускай), Лукинов Володя (Хатыҥ Арыы), Слепцов Саша, Сивцева Намыйа (Нам) анал бириистэринэн бэлиэтэннилэр.

Розалия Николаевна үөрүүтүн бу курдук үллэстэр: «Сылын аайы спонсордаан, күрэхтэһии үрдүк таһымнаахтык ыытылларыгар куруутун күүс-көмө буолар Намнааҕы оҕо спортивнай оскуолатын коллективыгар, чуолаан директорга Егоров Борис Прокопьевичка уонна күрэхтэһиигэ оҕолорун кытыннарбыт тренердэргэ, кыттааччыларга дириҥ махталбын этэбин. Үлэлэригэр үрдүк ситиһиилэри, оҕолорго өссө үрдүк кыайыыны-хотууну, олохторугар дьолу-соргуну баҕарабын».