Оҕолор баһыйар үгүстэрэ бу аптаах-алыптаах бырааһынньыкка төрөппүттэриттэн, чугас дьонноруттан, идэлээх сойуус тэрилтэлэриттэн эҥинэ бэйэлээх бэлэҕхтэри ылар эбит буоллахтарына, кимтэн да бэлэх ылбат оҕолор биһиги ортобутугар бааллар дииргэ тиийэбит. Бу — кыаммат-тииммэт ыал оҕолоро.

Ахсынньы 23 күнүгэр күнүс 14.00 чааска Саха циркэтигэр бу оҕолорго дьиктини бэлэхтиир аһымал акция саҕаланар.

Полиция, "Дети Саха-Азия" фонда үлэһиттэрэ, суруналыыстар Тымныы Моруос уонна Хаарчаана таҥаһын кэтэннэр оҕолорго бэлэхтэри түҥэтиэхтэрэ, циркэҕэ кэлбэтэх оҕолорго дьиэлэригэр илдьэн биэриэхтэрэ. Бу күн манна мустубут оҕолорго циркэ үлэһиттэрэ дьикти-кэрэ остуоруйаҕа ыалдьыттатыахтара, араас минньигэс аһынан күндүлүөхтэрэ. 

"Подари волшество!" - өрөспүүбүлүкэҕэ саамай улахан аһамал акция. Тэрээһин быйыл тохсус төгүлүн ыытыллар. Оҕолорго анаммыт бэлэхтэри биирдиилээн дьон уонна тэрийээчиилэр хомуйдулар. Икки нэдиэлэ устата кинилэр  "Дети Саха-Азия" фонда дьиэтигэр бэлэхтэри мустулар. 

Бэлэххэ тиксэр оҕолор ахсааннара 1,5 тыһыынчаҕа чугаһыыр. Ахсынньы ый бүтүөр диэри испииһэккэ киирбит оҕолор бэлэхтэрин тутан үөрүөхтэрэ-көтүөхтэрэ.