Оннук, РФ правительствота быһаарбытынан 2014 сылга «2006-2015 сылларга РФ-ҕа физическэй культура уонна спорт сайдыыта» тус сыаллаах федеральнай бырагыраама чэрчитинэн Саха сирин Бороҕонугар спорт комплекса уонна спортивнай площадка тутуллуоҕа. Ону таһынан Намҥа стадион былааннанар. Федеральнай бюджекка спорт тутууларыгар 130 мөл солк. көрүллүбүт.

От ыйын саҕаланыыта Нам стадионугар Саха сирин норуоттарын VI спортивнай оонньуулара ыытылларынан, эбийиэктэри үбүлүүр туһунан М.Гуляев Павел Новиковы кытта кэпсэттэ. Онон, инвестиционнай сайдыы уонна спорт министиэристибэтин государственнай баайы-дуолу салайар управлениетыгар маныаха анаммыт сорудах бэриллибит.

Спортка уонна физическэй культураҕа анаммыт тус сыаллаах федеральнай бырагыраама кэлэр түһүмэҕэр 2016-2020 сылларга республика сиригэр-уотугар тутуллар спорт эбийиэктэрин киллэрэр туһунан Павел Новиков уонна  Михаил Гуляев ырыппыттар.

«Азия оҕолоро» норуоттар икки ардыларынааҕы VI оонньуу эбийиэктэрин, 2017 сылга Үөһээ-Бүлүүгэ ыытыллар спорт национальнай көрүҥнэрин спартакиадатын тутулууларын федеральнай бырагыраамаҕа киллэрэри ситиһиэхтээхпит. Маныаха үлэ барар. Идэлээх дьон бырайыактыыр, ааҕар-суоттуур үлэни ыыталлар. Бырайыактары сыл бүтүтэ көмүскүөхтээхпит», - диэтэ спорт миниистирэ М.Гуляев.

Эрдэ этиллибит федеральнай бырагыраама чэрчитинэн Чурапчытааҕы спорт уонна физкультура институтугар 800 мөл. солк. ананара былааннанар. Онно студеннарга уопсай дьиэ, спорт комплекса уонна бассейн тутуллуоҕа.