«Саха сиригэр спорт сайдыылааҕыттан сөхтүм. Манна баар эрчиллэр комплекс курдугу көрбөтөҕүм ыраатта, бу хайҕаллаах дьыала», - диэн бэлиэтээтэ кини мичээрдии-мичээрдии. Маны тэҥэ мас тардыһыыта аан дойдуга киэҥ сэҥээриини ылбытыттан үөрэрин эттэ.

Тренер киһи саха төрүт оонньуутун олуһун диэн сөбүлээбит. СИА корреспонденыгар кини: «Бу дьикти! Бастаан утаа икки киһи мас тардыһалларын көрөн баран, тугун судургутай дии санаабытым. Оттон дьиҥнээх маастардар күөн көрсүһүүлэрин көрөн баран, бу туспа албастардаах, ньымалардаах спорт буоларын өйдөөбүтүм», – диэтэ.

Чемпионакка финнэр хайаһыахтарай диэн ыйытыыга Янти Юха Веса киэҥник тэнийэ барбата: «Бу диэн тугу да этэр кыаҕым суох. Ол эрээри дойдубутугар мэтээллээх эргиллиэхпитин сөп – биһигини кытта Финляндия саамай күүстээх дьахтара Ханна Мелторанта баар!», - диэтэ.