ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Видеоматериалы

(Не отображено 5 видео) Просмотреть все
20 июня 2014, 06:35

Егор Борисов: Саха сиригэр тустуу инники кирбиигэ тутуллар спорт көрүҥэ


Ытыктабыллаах Саха сирин олохтоохторо! Россия чемпионатын кыттыылаахтара уонна ыалдьыттара! Элбэх омуктаах норуот уонна өрөспүүбүлүкэ салалтатын ааттарыттан ыалдьытымсах Саха сиригэр спорт уонна доҕордоһуу бырааһынньыгар кэлбиккитинэн истиҥник эҕэрдэлиибин!

Саха сиригэр тустуу — саамай муҥутуур инники күөҥҥэ тутуллар спорт көрүҥэ. Дьокуускайга көҥүл тустууга Россия чемпионатын ыытыы олохтоохторго кэрэ-бэлиэ түгэни бэлэхтиэ  уонна өрөспүүбүлүкэҕэ тустуу сайдарыгар саҥа күүһү-кыаҕы киллэриэ.

Буоларыы турар чемпионат Россия сүүмэрдэммит хамаандатын таларга саамай тутаах уонна сүрүн түһүмэҕинэн буолуоҕа. Манна талыллыбыт хамаандата 2016 сыллааҕы Олимпиадаҕа Россия чиэһин көмүскүөҕэ. Ону таһынан  чемпионакка аан маҥанайгытын 2014 сыл тохсунньу 1 күнүттэн киирбит уларыйыылар аахсыллыахтара.

Чемпионат биһиги дойдубутугар ыытылларыгар уонна физическэй культураны, спорду сайыннарыыга, чөл олоҕу тарҕатыыга Россия спортивнай тустууга федерацията күүс-көмө, өйөбүл буоларын иһин өрспүүбүлүкэбит спортивнай эргимтэтэ махтаныа дии саныыбын.

«Триумф» спортивнай бэлэмнэнии киинин аренатыгар ыытыллар Россия чемпионата барыбыт сүрэхпитигэр, дууһабытыгар, өйбүтүгэр-санаабытыгар чаҕылхай уонна умнуллубат түгэннэри хаалларыа. Манна көҥүл тустуу саҥа сулустара умайыахтара. Кинилэр 2016 сыллааҕы Олимпиада үрдүк үктэлигэр тахсар иһин киирсиэхтэрэ.  

Чемпионат кыттыылаахтарыгар чиэһинэй уонна дьоһун күрэхтэһиини баҕарабын! Спортивнай хорсун быһыыны уонна ситиһиилэри!

Саха Республикатын баһылыгын эбээһинэһин быстах кэмҥэ толорооччу, Саха Республикатыгар спортивнай тустуу федерациятын президенэ, Россия спортивнай тустуутун попечительскэй сэбиэтин бэрэссэдээтэлин солбуйааччы Егор Борисов.



При частичном или полном использовании материалов гиперссылка на сайт ysia.ru обязательна.
Категория: Спорт Просмотров: 3970 Источник: ЯСИА Автор: СИА Изображение: Александр Назаров Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ