Саха сиригэр спортивнай тустуу федерациятын салайааччыта Егор Борисов бэлэмнэниигэ элбэҕи оҥордо. Кини спортивнай тустуу Россиятааҕы федерациятын салайааччыта Михаил Мамиашвилины кытта кэпсэтэригэр Россияҕа да, аан дойдуга да көҥүл тустуу сайдарыгар Саха сирэ сүрүн миэстэни ыларын бэлиэтээтэ. Онон республика бөдөҥ турниры ыытар толору бырааптааҕын чиҥэтэн эттэ.
Егор Борисов 2002 уонна 2011 сыллаахха республика Россия чемпионатын ситиһиилээхтик ыыппытын санатта. "Чемпионат кыттыылаахтарыгар сөптөөх усулуобуйаны бу да сырыыга тэрийиэхпит", - диэтэ Егор Борисов.
«Бэс ыйын 10 күнүгэр ыйааһыҥҥа, тренердэр үлэлэригэр, психологическай бэлэмнэниигэ үлэ туһаайыллыаҕа. Аҕыс ыйааһыҥҥа барытыгар Саха сирэ бэйэтин бөҕөстөрүн киллэртиир. 57, 61 уонна 65 кг ыйааһыннаах тустууктарга эрэлбит улахан. Спортсменнар Россия сүүмэрдэммит хамаандатын састаабыгар киирэргэ дьулуһуохтаахтар. Чемпионат кэнниттэн кинилэр аан дойду чемпионатыгар Ташкеҥҥа барыахтара. Онно олимпиадаҕа путевка оонньонор», - диэн СИА-ҕа эттэ Александр Игнатьев.
Комментарии
Авторизация на сайте через социальные сети