Быйылгы турнир Монголия уонна Молдова хамаандалара кыттыылаах буолан, норуоттар икки ардыларынааҕы таһымнанна. Көбүөргэ барыта 105 бөҕөс таҕыста.
Хаартыскаҕа: пьедесталга 57 кг бастыҥнара – Арыйаан Тютрин, Степан Соркомов, Александр Захаров уонна Айсен Афанасьев.
Ыйааһыннарын бэрээдэгинэн кыайыылаахтарынан буоллулар: 57 кг – Степан Соркомов (Саха сирэ), 61 кг – Николай Ноев (Таджикистан), 65 кг – Батсайхан Нэмэхбайар (Монголия), 70 кг – Тимур Пестерев (Саха сирэ), 74 кг – Гантулга Идэрхуу (Монголия), 86 кг – Петр Янулов (Молдова), 97 кг – Семен Семенов (Казахстан), 125 кг – Айаал Лазарев (Кыргызстан).
Саха сирин көҥүл тустууга хамаандатын сүрүн тренерэ Владимир Кириллин Россия чемпионатыгар бэлэмнэнии былаан быһыытынан баран иһэрин, Хотугу Кавказтан биир ыйдаах үөрэтэр-эрчийэр түмсүү кэнниттэн биирдиилээн бөҕөстөргө сылайыы баарын, хаалбыт кэмҥэ аны чөлгө түһүү үлэтин кэнниттэн хонтуруоллуур хапсыһыылар ыытыллыахтарын, онтон ыйааһыны оҥостуу буоларын иһитиннэрдэ. Манна даҕатан эттэххэ, Монголия уонна Молдова хамаандалара салгыы хаалан, биһиги бөҕөстөрбүтүн кытта бииргэ эрчиллиэхтэрэ.
Видео: Түһүлгэ биир сытыы, тыҥааһыннаах киирсиитинэн Виктор Рассадин уонна Николай Ноев (61 кг) хапсыһыылара буолла.
Комментарии
Авторизация на сайте через социальные сети